Birahwihwiswa ko Coutinho yitezwe muri Barcelona muri Mutarama 2018

Nkuko bikomeza gutangazwa n ‘ibinyamakuru byo muri Espagne, mu kwezi kwa mbere umwaka utaha ubwo isoko ry’igura n’igurishwa ry’abakinnyi rizaba rifunguye ku mugabane w’I burayi,  Barca yiteguye gutanga andi mafaranga mu ikipe ya Liverpool kuri uyu musore wayo ukomoka muri Brasil.

Image result for Philippe Coutinho

Kugeza ubu Philippe Coutinho ntarava mu bitekerezo by’ikipe ya Barcelona.

Iyi kipe y’I catalonia ni kenshi yashatse uyu musore ariko bikarangira itamwegukanye ariko kurundi ruhande Coutinho akagaragaza ubushake bwo kuva muri Liverpool akerekeza muri Barca, byose bikicwa na Liverpool idashaka kumutanga.

Mu kwezi kwa Kamena kugeza muri Kanama ubwo byavugwaga ko agomba kwerekeza muri Barca agasimbura Neymar wari umaze kuva muri iyi kipe yerekeza muri PSG, byatumye Coutinho adakina imikino itandatu ibanza ya Premier League yarivumbuye ngo ashaka kugenda ubundi bikavugwako afite imvune.

Image result for Philippe Coutinho

Barca yari yiteguye kurekura miliyoni 198 z’Amapawundi nyuma yo kurekura Neymar ajya mu Bufaransa. Barca ikaba itangaza ko ntacyahindutse ku migambi bari bafite kuri uyu musore biteguye kwibikaho nkuko byemejwe n’umumyamabanga nshingwabikorwa w’iyi kipe Oscar Grau.“Twiteguye gusinyisha Coutinho cyangwa se undi mukinnyi uwo ari we wese abatoza bazadusaba mu isoko ryo mu kwa mbere” Oscar Grau aganira n’abanyamakuru kuri uyu wa gatatu.

“Turashaka kugira ikipe ishoboka, ikomeye, ihatana,ikipe izaba yuzuye, ntidushaka gutakaza.”

Related image

Coutinho akenewe muri Barcelona,nyuma y’igenda rya Neymar wasimbujwe Ousmane Dembele agahita agira ikibazo cy’imvune

Coutinho amaze gutsinda ibitego bitatu muri uyu mwaka wa shampiyona. Barcelona irashaka kuba ikipe ya mbere yinjiza amafaranga menshi ku isi na miliyoni 804 z’Amapawundi( miliyoni 897 z’Amayero) ku rutonde ruzasohoka rwa 2017-2018.

Umuyobozi mukuru w’ikipe ya Barcelona Josep Maria Bartomeu Ukwakira 2016 yatangaje ko iyi kipe ifite umugambi wo kugeza kuri Biliyoni imwe y’amayero mu mafaranga binjiza muri  2021.

Grau nawe ati: “Turi kugaragaza isura nshya muri uyu mwaka, tuzaba turi hejuru turenze indi kipe iyo ari yo yose muri iyi si, Nta yindi kipe haba muri NBA cyangwa muri NFL, igeze kuri iyi mibare ,ikipe ifite umuhigo ishaka kugeraho muri 2021.”

DUSHIMIMANA Aimable-Celebzmagazine.com




Leave a Reply

Your email address will not be published. Required fields are marked *