Bidasubirwaho Espérance de Tunis yegukanye igikombe cya CAF Champions League

Nyuma yuko ikipe ya Wydad Casablanca ihamijwe amakosa yo kwikura mu kibuga ku mukino wa kabiri wa nyuma w’irushanwa ,  Espérance de Tunis yegukanye igikombe cya CAF Champions League

Kuri uyu wa Gatatu nibwo akanama k’imyitwarire ka CAF kemeje ko Espérance de Tunis ariyo yegukanye igikombe cy’amakipe yabaye aya mbere iwayo, nubwo yombi yari yatanze ikirego kugira ngo arenganurwe.

Abakinnyi ba Wydad bafashe Umwanzuro wo kwikura mu kibuga nyuma yuko umusifuzi yanze igitego cyo kwishyura bari batsinze ndetse arebye ku mashusho ya VAR asanga yazimye.

Aya makipe yombi yahawe ibihano Bitandukanye, aho Wydad Casablanca yaciwe agera ku bihumbi 50 by’amadolari ya Amerika kubera kwikura mu kibuga n’andi ibihumbi $15 y’uko abafana bayo bateye imiriro mu kibuga. Espérance de Tunis na yo yaciwe ibihumbi $50 by’uko abafana bayo bateye imiriro mu kibuga.

Aya makipe yombi kandi yahanishijwe gukina imikino ibiri mpuzamahanga yo muri Afurika nta mufana uri ku kibuga nubwo ibi bihano byasubitswe amezi 12. Perezida w’ikipe ya Espérance de Tunis, Mohamed Meddeb nawe yaciwe agera ku bihumbi 20 by’amadolari ya Amerika, anahabwa gasopo ku myitwarire yayo ku muyobozi wa CAF, Ahmad Ahmad.




Leave a Reply

Your email address will not be published. Required fields are marked *