Amakuru mashya:Espagne abantu 812 bishwe na COVID19,50 bagize Inteko ishinga amategeko ya Kenya basabiwe gushyirwa mu kato

Kugeza ubu ku isi harabarurwa abantu barenga ibihumbi 735,000 banduye Covid-19, abo imaze guhitana muri bo bararenga 34,000 naho abayikize bararenga 156,000 nk’uko bivugwa na kaminuza y’ubushakashatsi ya Johns Hopkins.

China-Return Student Referred To Cuttack Hospital For Possible ...

Mu Butaliyani iyi ndwara imaze kwica abantu barenga 10,000 muri Espagne ho imaze kwica abarenga 7,000 mu gihe mu Bushinwa yishe abarenga 3,000.

Uko byifashe ahanyuranye:

Muri Tanzania na Kenya uyu munsi habonetse abantu bashya banduye iyi ndwara.

Muri Kenya habonetse abantu bashya umunani(8) naho muri Tanzania haboneka batanu(5).

Mu bihugu bigize umuryango wa Afurika y’iburasirazuba ubu harabarwa abanduye iyi virus 172 bamaze kuboneka.

  • Rwanda: 70
  • Kenya: 50
  • Uganda: 33
  • Tanzania: 19

Espagne

Mu bo imaze kwica, Espagne ubu nicyo gihugu cya kabiri kizahaye nyuma y’Ubutaliyani.

Mu masaha 24 ashize abantu 812 bishwe n’iyi ndwara, abategetsi muri Espagne bavuga ko abantu bashya bagera ku 6,400 banduye iyi ndwara.

Igiciro cy’ibitoro ku isi cyaguye bidasanzwe

Igiciro cy’ibitoro ku isoko mpuzamahanga cyamanutse ku kigero kitabayeho kuva mu myaka 18 ishize kubera ko isoko ryabyo ryagabanutse cyane.

Igiciro cy’akagunguru ka lisansi cyageze ku madorari ya Amerika 23 kuri uyu wa mbere mu gitondo, igiciro cyo hasi cyane giheruka mu kwa 11/2002.

Abahanga mu isoko mpuzamahanga bavuga ko nta kindi cyateye ibi uretse ikwirakwira rya Covid-19 ryahagaritse ingendo n’ubuzima busanzwe ku isi.

Kimwe na kompanyi nyinshi z'indege ku isi ubu nta kazi, izi ni indege za British AirwaysUwufise ububasha kw’isanamuNPAS
Image captionKimwe na kompanyi nyinshi z’indege ku isi ubu nta kazi, izi ni indege za British Airways

—-

Gupima Covid-19 abadepite bose ba Kenya

Inteko ishinga amategeko ya Kenya, umutwe w’Abadepite, urashaka ko abawugize bagera kuri 50 bapimwa coronavirus kuko hari ubwoba ko bayandujwe na mugenzi wabo baherutse kuyibonamo.

Ikinyamakuru Nation cyo muri Kenya kivuga ko Inteko yahaye minisiteri y’ubuzima urutonde rw’abadepite ishaka ko basuzumwa kandi bagashyirwa mu kato.

Umudepite witwa Kamoti Mwamkale bivugwa ko yandujwe na guverineri wungirije w’intara ya Kilifi nawe wanduye mu gishize nuyma y’uko aheruka kuva mu Budage.

=====

Kuki abo yica ari bacye mu Budage?

Abayanduye mu Budage ubu ni 62,435 ariko imaze kwica 541, umubare muto ugereranyije no mu bindi bihugu nk’Ubutaliyani, Ubufaransa, Espagne cyangwa Ubwongereza aho imaze kwica ibihumbi.

Igisobanuro gishoboka cyane cy’ibi ni uburyo bukomeye kandi bwihuse mu gupima:

Ubudage bwatangiye gukwirakwiza uburyo bwo gupima hakiri kare, bituma bubona abanduye benshi bagifite ibimenyetso byoroheje.

Ibi bivuze ko umubare w’abemejwe ko banduye uri hafi y’uwabashobora kuba bafite iyi virus, mu gihe ahandi aho abo byemejwe ko banduye ari agace gato k’abashobora kuba baranduye.

Ikindi gisobanuro ni ubushobozi bw’ubuvuzi bw’iki gihugu; Ubudage bufite ubushobozi bwo kuvura indembe kurusha Ubufaransa, Ubutaliyani cyangwa Ubwongereza.

Mu minsi itatu ishize mu Budage umubare w’abamenyekanye ko banduye Covid-19 wiyongereyeho abantu 4,751.

Angela MerkelUwufise ububasha kw’isanamuGETTY IMAGES
Image captionKu cyumweru tariki 22/03/2020 Angela Merkel yavuze uko coronavirus ikwiye kwirindwa cyane, nyuma yahise atangira gukorera akazi mu kato kuko hari uwo bahuye wayanduye

=====

Ubuhinde burahumeka umwuka mwiza

Iki cyorezo cyatumye leta y’Ubuhinde itangaza ihagarikwa ry’ubuzima busanzwe (lockdown) mu gihugu.

Ibi byatumye mu minsi micye ishize iki gihugu gifite ibipimo byo hasi cyane kurusha ibindi mu guhumana kw’ikirere, gusa nanone nta usohoka kwishimira ako kuka keza.

Ku munsi wa gatatu wo guhagarika ubuzima busanzwe, iki gikorwa cyateje impaka nyinshi n’ingorane kuri bamwe ubu gifite ingaruka nziza.

Muri New Delhi – ahantu haherutse guca umuhigo w’isi mu kirere gihumanye – muri weekend abahatuye baramukanye ikirere cy’ubururu bucyeye.

Abafite telephone zigezweho zaberetse ibipimo byiza by’umwuka – ikintu kidasanzwe i New Delhi.

Indi mijyi igera kuri 90 y’Ubuhinde nayo yabonye ibipimo byiza by’umwuka udahumanye nk’uko ibinyamakuru byaho bibitangaza.




Leave a Reply

Your email address will not be published. Required fields are marked *