Ahazaza ha Omar al-Bashir nk’Umukuru w’Igihugu hari kwibazwaho

Ahazaza ha Omar al-Bashir nk’Umukuru w’Igihugu hari kwibazwa nyuma y’amezi menshi y’imyigaragambyo idashaka ubuyobozi ni mu gihe igisirikare cyavuze ko hari icyo kiri butangaze vuba aha.

Image result for Omar al-Bashir

Itangazamakuru ry’Igihugu ryavuze ko Igisirikare cya Sudan kiri butangaze itangazo ryihutirwa nyuma y’imyigaragambyo imaze iminsi idashaka umutegetsi umaze igihe kirekire ku mwanya w’umukuru w’igihugu, Omar al-Bashir.

Umunyamakuru utatangaje byinshi birenze yagize ati “ Hari itangazo ryihutirwa igisirikare cya Leta kiri butange, muritegereze.”

Imyigaragambyo yatangiye mu Kuboza k’umwaka wa 2018, yabaye imbogamizi ikomeye ku butegetsi bwa Bashir bumaze imyaka, hafi, 30.

Uyu wa kane wabaye umunsi wa gatandatu abigaragambye bicaye imbere y’Ibiro bya girikare ari naho hari Ibiro bya Bashir na Minisiteri y’Ingabo.

Imbaga y’abigaragambya bamaze amajoro arenga atanu bari imbere y’inzu z’Ubutegetsi bwa Sudani, babyina, banaririmba indirimbo z’impinduramatwara.

Hagenimana Thierry-Celebzmagazine.com




Leave a Reply

Your email address will not be published. Required fields are marked *