Abantu babiri nibo bamaze kwemezwa ko bapfuye bazize Grenades zatewe mu mujyi wa Bujumbura

Leta y’Uburundi yatangaje ko ibitero by’amagrenade yaraye atewe mu bice bimwe bya Bujumbura mw’ijoro ryo kuri uyu wa kabiri ari ibitero by’iterabwoba, byahitanye abantu babiri.

Hafi nk’isaha imwe z’ijoro niho hatangiye kwumvikana za Grenade ziturika, iya mbere ikaba yatangiye guterwa kw’isoko rizwi nka COTEBU riri muri zone Ngagara.

Iyo yakurikiwe n’ayandi yagiye aterwa mu bice by’ahahoze ari isoko nkuru ya Bujumbura, hamwe n’ahakunze kwitwa kuri “Permanence”, ikibanza kiri hagati y’amazone ya Bwiza na Buyenzi.

Hari amakuru yakwirakwije hirya no hino ku mbuga nkoranyambaga, avuga ko ayo magrenade yatewe hari abantu yahitanye, abandi batari bake bagakomereka.

Ku rubuga rwa Twitter, Minisiteri ishinzwe umutekano yatangaje ko ibi bitero ari ‘’iterabwoba’’ yemeza ko abantu babiri ari bo bamaze kwitaba Imana: umwe yaguye mu gitero cyatewe hagati mu murwa undi apfira kwa muganga, nk’uko iyi minisiteri yabitangaje.

Iyi Minisiteri yanemeje amakuru y’abaturage avuga ko abantu benshi bakomeretse.

Ibi bitero bibaye mu gihe muri iki gihugu hari kubera inama idasanzwe ya 51 y’urwego rushinzwe ibibazo by’umutekano mu karere ka Afurika yo hagati.

Gusa hari amakuru avuga ko nyuma yuko uwagerageje gutera iyo Grenade nawe yabashije kumufata akaza guhita afatwa iperereza rikaba rikomeje gukorwa kuri iki gitero.

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *