Ese Lukaku atsinda amakipe mato gusa? Yanenzwe kudatsinda amakipe akomeye

Kuva Lukaku yagera muri Premier League, amaze gutsinda ibitego 15 mu mikino 57 ahura n’amakipe atandatu akomeye mu Bwongereza ariyo: Arsenal, Chelsea, Liverpool, Manchester City, Manchester United na Tottenham.

Related image

 Uyu musore ukomoka mu Bubiligi amaze gutsinda ibitego birenga 12 muri 24 mu minota icumi ya nyuma y’umukino.

Igihe nari muri Everton twari dufite ibitekerezo bitandukanye mu mitwe yacu mbere yuko twinjira mu mukino” rimwe na rimwe byari bikomeye ku makipe amwe n’amwe, cyane cyane iyo ukina ntutsinde ntunakore uburyo bubyara ibitego”. Rukaku aganira n’itangazamakuru.

“Ubu ndi mu ikipe ishaka gutsinda igihe ihura n’amakipe akomeye,ndatekereza ko ibihe bizahinduka”.

Kuba yaratsinze igitego bahura na Real madrid kuri super coupe ya Uefa,kuri Lukaku bigaragaza ko amakipe akomeye yayatsinda ibitego

Lukaku w’imyaka 24 y’amavuko yemeza ko yamaze kwerekana ko yatsinda ibitego ahura n’amakipe akomeye nyuma yo gutsinda igitego Manchester united ikina na Real Madrid muri Super coupe ya Uefa batsindwa ibitego 2-1 mu kwezi kwa kanama uyu mwaka,iki gitego kimwe na United ni Lukaku wagitsinze.

“Uwo wari umukino buri wese yarebaga kuri njye yibaza ati”azabikora?” Lukaku akomeza.

Romelu Lukaku yakomeje avuga ko “Abataka benshi bahusha amahirwe akomeye kurenza uko bimubaho”, kuba bimubaho si igitangaza n’abandi bibabaho.

 Romelu Lukaku yatsinze bakina na westham,Swansea,Leicester city,stoke city,everton,Southampton na crystal palace.

Kuva yerekeza muri United avuye muri Everton muri uyu mwaka,Lukaku amaze gutsinda ibitego 16 mu mikino 13 muri Manchester united n’ikipe y’igihugu y’ububiligi.

DUSHIMIMANA Aimable-Celebzmagazine.com




Leave a Reply

Your email address will not be published. Required fields are marked *