Abaherwe Jeff Bezos na Kylie Jenner bayoboye isi mu bukire

Mu gihe gito hemejwe ko Jeff Bezos ari we mukire wa mbere ku Isi utunze miliyari 131 z’amadorali,Kylie Jenner w’imyaka 21 y’amavuko ayoboye urutonde rw’abaherwe bakiri bato afite miliyari z’amadorali.

Image result for  Kylie JennerUmukobwa witwa Kylie Jenner w’imyaka 21 y’amavuko yayoboye urutonde rw’abaherwe bakiri bato batunze miliyari z’amadorali asimbura umutunzi Mark Zuckerberg washinze urubuga nkoranyambaga rwa Facebook.

Urubuga rwa Forbes rusanzwe rukora intonde z’abakire mu ngeri zitandukanye ku isi, kuri uyu wa kabiri tariki 05 Werurwe 2019 rwasohoye urutonde rw’abakire bato ruyobowe na Kylie Jenner avuka mu muryango wa Kim Kardashian, Khloe na Kourtney Kardashian akaba na bucura.
Uyu mukobwa yabonetse ku ntonde ebyeri; urutonde rw’abaherwe bakiri bato batunze miliyari z’amadorali, akayobora n’urutonde rw’abaherwe bigejeje kuri miliyari z’amadorali.

Forbes yavuze ko Kylie Jenner ayoboye uru rutonde abikesha amaduka acuruza ibirungo by’ubwiza bya Jenner’s Kylie. Iri duka yarishinze mu myaka itatu. Uyu mukobwa ngo yinjije agera kuri miliyari y’amadorali uteranyije inyungu yakuye muri ubu bucuruzi.

Benshi batunguwe n’uburyo uyu mukobwa yabashije gukora akagera kuri miliyari y’amadorali, ibyo Forbes ivuga ko yigejejeho. Gusa ngo ubukire n’ubwamamare agezeho yabifashijwemo na nyina, Kris Jenner.

Forbes yavuze ko kuba atari umurage yahawe, bivuze ko umutungo afite ari uwo yigejejeho. Travis Scott yavuze ko Kylie Jenner ibyo avuga atari byo ari ‘ibihuha’. Tyga wahoze akundana na Kylie Jenner yamushimye amwifuriza gukomeza gutera imbere.

Related imageUmukire wa mbere ku Isi Jeff Bezos washinze kompanyi Amazon, umutungo we ni miliyari 131 z’amadorali, uvuye kuri miliyari $121 yari afite muri 2018. Bill Gates ari ku mwanya wa kabiri afite miliyari 96.5 z’amadorali avuye kuri miliyari $90 yari afite umwaka ushize.

URUTONDE RW’ABAHERWE KU ISI BAKIRI BATO

1. Kylie Jenner w’imyaka 21 y’amavuko atunze Miliyari imwe y’amadorali ($1billion (self-made))
2. Alexandra Andresen w’imyaka 22 y’amavuko atunze miliyari imwe na miliyoni 400 z’amadorali ($1.4billion)
3. Katharine Andresen w’imyaka 23 y’amavuko atunze miliyari imwe na miliyoni 400 z’amadorali ($1.4billion)
4. Gustav Magnar Witzoe w’imyaka 24 atunze miliyari eshatu z’amadorali ( $3billion)
5. John Collison w’imyaka 28 atunze miliyari ebyiri na miliyoni 100 z’amadorali ($2.1billion (self-made))
6. Evan Spiegel w’imyaka 28 atunze miliyari ebyiri na miliyoni 100 z’amadorali ($2.1billion (self-made))
7. Ludwig Theodor Braun w’imyaka 29 atunze miliyari imwe y’amadorali ($1billion)
8. Anna Kasprazak w’imyaka 29 atunze miliyari imwe y’amadorali ($1billion)




Leave a Reply

Your email address will not be published. Required fields are marked *